Сараево, 21 август – Денеска во Сараево започна петдневна работилница со претставници од 11 земји од регионот на Источна Европа и Југоисточна Азија.

Делегација на национални претставници и на УНФПА Северна Македонија учествуваа на регионалната работилница во Сараево за интегрирање на образованието за животни вештини во образованието и обуката на наставниците во основните и во средните училишта, организирана од Фондот за население на Обединетите нации (УНФПА) и Сојузниот центар за здравствена едукација на Германија (Bundeszentrale für gesundheitliche Aufklärung (BZgA).

Преку оваа работилница, учесниците од целиот регион на Источна Европа и Централна Азија ги зајакнаа своите знаења и алатки за воведување и унапредување на образование за здрав начин на живот и животни вештини во и надвор од училиштето, во образованието на наставниците и програмите за обука во рамките на високообразовните институции за подготовка на наставен кадар за основно и за средно образование, кои ќе можат ефективно да спроведуваат висококвалитетно образование.