Таа се приклучи на Канцеларијата на УНФПА во Република Северна Македонија како аналитичарка за програми за сексуално и репродуктивно здравје и млади во 2013 година. Таа е доктор на медицина и во моментов е на магистерски студии по финансиски менаџмент. Нејзиниот ангажман вклучува изготвување, управување и надзор на програми што се однесуваат на националните приоритетни прашања во согласност со Агендата 2030 за одржлив развој и други глобални и регионални иницијативи за развој.
Освен во Северна Македонија, таа работела како консултант во регионот, преку обуки и насоки за надградување на знаењата за другите канцеларии и за регионалната канцеларија. Има завршено детална задача во областа на мобилизацијата на ресурси и стратешки партнерства во канцеларијата на Источна Европа и Централна Азија во 2020 година и учествувала во неколку мисии во регионот и пошироко.
Пред да се приклучи на УНФПА, повеќе од 15 години работела за програмите на УСАИД и има огромно искуство во менаџирање програми поврзани со здравството, локалното управување и животната средина.
Г-ѓа Шаља, исто така, беше главен советник на министерот за локална самоуправа за прашања поврзани со ИПА-програмите за прекугранична соработка и децентрализацијата. Таа придонесе за воспоставување неколку успешни национални и регионални партнерства со повеќе чинители – владини, невладини, донатори, приватен сектор итн.
Г-ѓа Шаља е државјанин на Република Северна Македонија и течно зборува англиски, македонски, албански и турски јазик, како и други јазици што се зборуваат во регионот.
