Фондот за население на Обединетите нации – УНФПА работи на создавање свет каде што секоја бременост е посакувана, секое породување е безбедно и потенцијалот на секој млад човек е исполнет. Во 2018 година, УНФПА започна напори за постигнување на три трансформативни резултати, амбиции кои ветуваат дека ќе го променат светот за секој маж, жена и млад човек: ставање крај на неисполнетите потреби за планирање на семејството, ставање крај на смртни случаи кај родилки што може да се спречат и елиминирање на родово базираното насилство и штетните практики.

УНФПА работи со владите и партнерите за да промовира универзален пристап до квалитетни, интегрирани услуги за сексуално и репродуктивно здравје, за зајакнување на здравствените системи, обука на здравствените работници, едукација на акушерките и подобрување на пристапот до целиот спектар на репродуктивно здравје и работи на спречување на и справување со родово базирано насилство преку својата работа со креаторите на политики, правосудните системи, здравствените системи и хуманитарните партнери. Исто така, УНФПА работи на динамиката на населението, човечкиот капитал и одржливиот развој, како и на креирање политики за населението.

Од своето основање во земјата во 2007 година, УНФПА Северна Македонија ја поддржува Владата во областите на репродуктивно здравје, население и развој и родово базирано насилство. Новата програма за земјата е целосно усогласена со Рамката за соработка за одржлив развој на Обединетите нации (УНСЦДФ) за 2021-2025 година. Обединетите нации се посветени на колективна поддршка на нивната визија за земјата – дека до 2030 година, луѓето во Северна Македонија ќе постигнат еднаквост и просперитет во сите можности за правичен раст; дека се почитуваат родовата еднаквост и човековите права; и дека заедниците работат заедно во мир. УНФПА ја поддржува визијата на УНСЦДФ и постигнувањето на Целите за одржлив развој (ЦОР) во Северна Македонија.

Обединетите нации, УНФПА е клучен застапник и водечки партнер со Владата за сексуално и репродуктивно здравје и права, родово базирано насилство и податоци. Таа важи за агенција која придонела за подобрување на резултатите кај мајките и новороденчињата. УНФПА го поддржува спроведувањето на Конвенцијата за правата на лицата со попреченост во земјата и воведува иновации во решавањето на потребите на лицата со аутистичен спектар на нарушувања, преку дигитални решенија за сеопфатно сексуално образование. УНФПА поддржа обезбедување услуги за сексуално и репродуктивно здравје и родово базирано насилство за жени и девојчиња во хуманитарни контексти, како што се поплави, кризи со бегалци/мигранти и справувањето со пандемијата на ковид-19. УНФПА соработуваше со УНДП во операционализирањето на центрите за упатување на жртви на сексуално насилство.

УНФПА е клучен партнер на Државниот завод за статистика и субјектите на Државниот статистички систем за управување со податоци. Ова ја прави УНФПА единствено позиционирана да ги собере агенциите на Обединетите нации и партнерите на Обединетите нации да ја водат агендата за сексуалното и репродуктивното здравје и права, родово базираното насилство и прашањата поврзани со населението, со фокус на младите (на возраст од 15-30 години) и ранливите популации. Ова ќе се постигне преку проширување на стратешките партнерства, споделување на знаења, посредување со експертиза и иновации, за позиционирање на сексуалното и репродуктивното здравје, родовата еднаквост и вклученоста на младите во демографскиот контекст.

Канцеларија на УНФПА во Северна Македонија

Адреса за контакт: Јордан Хаџи Константинов - Џинот 23, 1000 Скопје

Телефон: (389 2) 3249 588  

е-пошта: north.macedonia@unfpa.org