Женева, 26 октомври 2022 - Подобрување на употребата на административни податоци за миграциски статистики и употреба на нови извори на податоци за мерење на миграциските статистики, се главните теми на кои денеска во Женева разговараат претставници на национални статистички институции од 13 држави, меѓу кои и на Државниот завод за статистика, со поддршка на Канцеларијата на УНФПА во Северна Македонија.

Оваа средба на група експерти за миграциски статистики ќе послужи како платформа на институциите за статистика да разменат искуства и да ги зголемат знаењата поврзани со собирање, продуцирање и дисеминација на статистики за миграција.

Настанот е во организација на Комисијата за економски прашања на ООН за Европа (УНЕЦЕ), а учествуваат претставници од националните статистички институции на Република Северна Македонија, САД, Англија, Полска, Киргистан, Албанија, Луксембург, Италија, Азербејџан, Норвешка, Литванија, Русија и Шведска.