Во неколку држави во Источна Европа, бројноста на населението се намалува. Десетте држави во во светот, каде намалувањето на населението се одвива најбргу, се наоѓаат во Централна и Источна Европа. Владите се загрижени за негативното влијание што намалувањето и стареењето на населението го имаат врз економијата, социјалните системи, инфраструктурата, па дури и националната безбедност.
Но, кои се вистинските причини за намалување на бројноста на населението? Кои се последиците? И што значи ова за политиките коишто треба да се соочат со овој феномен? Овие куси Прашања и Одговори даваат одговори на овие прашања и разоткриваат одредени митови и погрешни сфаќања.
